Lees die spesiale uitgawe vir die Classic Clash tussen Langenhoven Gimnasium en Hoërskool Punt hier. Dis propvol spanfotos, onderhoude en al die aksie.

AWSUM het die geleentheid gehad om met Roux Delport, Eerstespan dogtershokkiekaptein van Langenhoven Gimnasium te praat oor hul voorbereiding, sterkpunte en vooruitsigte vir die seisoen..

Wat is julle span se sterkpunte hierdie jaar? ⁠ Een van ons grootste sterkpunte is dat die meerderheid van ons span al sedert graad 9 in die eerstespan speel, so ons ken mekaar se spel baie goed. 

Wat beteken dit vir jou om die skool se eerste hokkiespan te lei? Dit is ’n groot voorreg om die eerstespan hierdie jaar te lei, aangesien ons span sover baie goed vaar en ons die jonger generasies wil inspireer. 

Het julle skool ’n groot hokkiekultuur en hoe belangrik is sukses vir julle span om dit te volhou?  Ons skool se hokkiekultuur het baie gegroei die afgelope paar jaar. Ons het ’n astrobaan gekry en nuwe pawiljoene. Die sukses van ons span is belangrik sodat volgende jaar se eerstespan kan voortbou op wat ons bereik het. 

Wat wil julle as ’n span in 2025 bereik?  Ons doelwit vir 2025 was om as span te groei en die belangrikste wedstryde, soos ons derby’s en Interskole,te wen. 

Watter wedstryd en/of toernooi is vir julle die spesiaalste en hoekom?  Interskole is vir ons die belangrikste wedstryd, omdat dit vir die meerderheid van ons span die laaste wedstryd vir die skool gaan wees. 

Is daar ’n hokkiespeler of sportfiguur na wie jy opkyk, en hoe het hulle loopbaan jou benadering tot die spel beïnvloed?  Mustapha Cassiem – hy is ’n hokkielegende vir Suid-Afrika en help baie met die opleiding en afrigting van jonger spelers om hokkie in Suid-Afrika te bevorder. Ons het ook met die afrigter van dié span, (naam van afrigter) gesels:

Roux Delport

Ons het ook met die afrigter van dié span, (Andreas Schultz) gesels:

Wat kan die skool en ouers hierdie Interskole van julle span verwag? Die span is gemotiveerd en vasberade om die jaar op ’n hoë noot af te sluit. Daar is hard gewerk en hopelik sal die harde werk lei tot ’n suksesvolle interskole.

Hoe berei julle span in die week tot aanloop van Interskole voor? (physically and mentally) Interskole is altyd ’n sielkundige toets. Die spelers is fisies baie goed voorberei deur die seisoen, maar die opgewondenheid en gees rondom die opbou tot die interskole kan baie energie van die span tap. Dus is dit belangrik vir my as afrigter om te sorg dat hul sielkundig voorbereid is en nie te veel fokus plaas op dinge van die veld af nie.

Waar sou jy sê lê julle krag hierdie jaar?  Spangees, ervaring en die wil om te wen.

Wie het die grootste invloed op jou as afrigter in jou lewe al gehad? Is daar iemand na wie jy opkyk?  Voormalige onderwyser en afrigter by Langenhoven Gimnasium, Bert Hanekom. Hy het ’n manier gehad om jou te laat glo dat jy die beste is, selfs al het dit nie altyd so gevoel nie.

 Watter boodskap dra jy aan jou span oor net voor hulle op die baan/veld hardloop?  Speel met ’n glimlag. Ons is bevoorreg om hokkie te kan speel.