Hoërskool Ferrum leerder gekroon as Koningin tydens die Mej Winterfees 2025
ADVERTISEMENT
Hoërskool Ferrum is ongelooflik trots op Mieke Janse van Rensburg, wat onlangs as KONINGIN in die 11–15 jaar-kategorie gekroon is tydens die Mej. Winterfees 2025! Wat hierdie prestasie nóg meer besonders maak, is dat Mieke vir die tweede agtereenvolgende jaar as wenner by die Winterfees aangewys is — ’n werklik merkwaardige prestasie! Mieke is al vier jaar lank ’n model by Deochand Models, onder leiding van die talentvolle oud-Ferrum-leerder Sharné Deochand, wat self aan talle modelkompetisies deelgeneem het en ’n bekende naam in die bedryf is.
Mieke het reeds ’n indrukwekkende lys van titels agter haar naam:
- Mej. Winterfees Wenner 2024 én 2025
- Algehele wenner van Mej. Wonderwoman 2024
- Mej. Huttenpark 2024
- En verskeie ander skoonheids- en modelkompetisies
Met haar styl, selfvertroue en deursettingsvermoë is daar geen twyfel dat Mieke gereed is om haar modelloopbaan op nasionale én internasionale vlak te laat blom. Mieke, Ferrum is ongelooflik trots op jou – hou aan om te skitter!
