Hoërskool Ermelo vaar goed in onderskeie Puma-toernooie

Rugby:

Vanaf 28 Junie tot 3 Julie het Nardus de Wet, Carel Jacobsz, Franco Ludwig en EJ Venter aan die Doom Gouws-week deelgeneem as deel van die o.16-Mpumalangaspan se Akademie-week. Die span se uitslae is as volg:

• Pumas vs Valke Oos: Pumas wen 24-19. Carel Jacobsz word as speler van die wedstryd aangekondig.
• Pumas vs Bulle: Pumas verloor 6-15. Carel Jacobsz word weer as speler van die wedstryd aangekondig.
• Pumas vs Leeus: Pumas verloor 24-36. Hier word Carel Jacobsz, Nardus de Wet en EJ Venter as spelers van die wedstryd aangewys.
• Mnr. Stephan van Dyk, onderwyser by Hoërskool Ermelo, was hierdie span se spanbestuurder.
• Ignus Ferreia neem deel aan die Pumas se o.18 Akademie-week wat vanaf 3 tot 7 Julie plaasgevind het. Die uitslae is as volg:
• Pumas vs Valke: Pumas wen 48-12
• Pumas vs Limpopo: Pumas wen 87-17
• Pumas vs Leopards: Pumas wen 39-32
• Pumas vs EP: Pumas verloor 12-42
• Pumas vs Border: Speel gelykop 25 elk

Dogtershokkie:

Mia Steenkamp het die o.18A-provinsiale span hokkiedogters in Stellenbosch verteenwoordig vanaf 25 Junie tot 1 Julie. Hierdie span eindig elfde in die toernooi.

Vanaf 4 tot 8 Julie verteenwoordig Inge Greyling en Jaclyn Venter die provinsiale hokkiespan vir die o.18 dogters, Noordelike-streeksuitdunne in Tzaneen. Die B-span, waarvan Inge deel was, eindig tweede in die toernooi en die C-span eindig vierde. Jaclyn het in die laasgenoemde span gespeel. J’Lee Willemse was deel van die o.16B-provinsiale span wat vanaf 12 to 16 Julie in Nelspruit plaasgevind het. Dié span eindig vyfde.

J’Lee Willemse

Seunshokkie:

Armand Coetzer is in die o.14B-Mpumalangaspan ingesluit. Hy is tot kaptein verkies en was ’n sleutelverdediger in die span. Die span het aan die “Winter games”- toernooi vanaf 8 tot 15 Julie in Benoni deelgeneem. Hulle het agt wedstryde gespeel waarvan hulle vier gewen het. Die span eindig sewende in die toernooi .

Vanaf 25 tot 29 Junie het die o.18C-Mpumalanga seunshokkiespan aan ’n toernooi by Jeppe High School deelgeneem. ‘n Hoërskool Ermeloleerder, Edrich Beyer, is gekies vir die span en het “sweeper” gespeel.  Van die sewe spanne het hierdie Pumaspan vierde geëindig.

Netbal:

Vanaf 26 tot 29 Junie het twee Erries, Hayley van der Walt (o.16) en Tharina Viljoen (o.15) Mpumalanga verteenwoordig by die SA Skole netbal-toernooi te EG Jansen

Alby hierdie Erries is verkies as kapteine vir hul onderskeie spanne. Die o.15-span eindig agtste en die o.16-span eindig dertiende. Al die Erries wat deel was van die onderskeie toernooie is dit eens dat dit ’n uitsonderlike ervaring was waar hul baie geleer en gegroei het. Baie geluk aan elke leerder! EHS is met reg trots op elkeen!