Vanaf 20 tot 29 September het drie onderwysers en 18 leerders van Hoërskool Ermelo Viëtnam verken. Die nege dae was gevul met nuwe ervarings en blootstelling aan verskeie kukture en hul gebruike. Dit was ’n kleurvolle, opwindende toer en die leerders en onderwysers het dit besonder baie geniet ten spyte van die drukkende hitte. EHS is trots om leerders te hê wat regoor die wêreld Hoërskool Ermelo se naam hoog hou met goeie gedrag en gees. Die toer het onder andere toeriste-aantreklikhede, boot-, kanoe en treinreise, inkopies, pragtige natuurskoon, plaaslike musiekvertonings, interessante disse en heerlike koffie ingesluit. Die EHS-toeriste het altesaam byna 30 000 km in 10 dae getoer en het beslis ryker uit hierdie ervaring getree.3