Hoërskool Ermelo se jaarlikse Groentjieskonsert is ‘n eeu-oue tradisie wat jaar-na-jaar sorg vir groot opwinding, strawwe kompetisie en komiese vermaak.  2022 se konsert was geen uitsondering nie.  Die dag het oudergewoonte begin met die Graad 11-dirigente se aankoms.  Nelstehuis se “FBI”-tema het die oggend afgeskop gevolg deur die manne van Huis Veltman met hul “Money Heist”-tema.  Dit was egter die Dorpies wat monde laat oophang het en die verbeelding aangegryp het met hul “Steampunk”-tema.  Die leerders het daarna die geleentheid gehad om vir die eerste keer in drie jaar ‘n optog te hou en hul gees deur die strate van Ermelo ten toon te stel.

Die hoogtepunt van die Groentjieskonsert is altyd die dag van die konsert. Die Graad 12 leerders in hul onderskeie huise (Dorpshuis, Huis Veltman & Nelsthuis) het 8 dae gehad om ‘n oorspronklike storie te skryf, dekor te kry, kostuums te ontwerp en die Gr 8’s voorberei vir die unieke konsert.  Elke jaar kry die onderskeie huise ‘n verskillende tema om op te voer.  Hierdie jaar was op animasie flieks gebaseer,Toy Story (Woody, Buzz Lightyear and Slinky Dog).  Die waarde vir die jaar was om hard te werk en om ‘n Errie hart te hê. Elke konsert moes ‘n nuus brokkie en advertensie hê.  Die instruksie was dat die advertenie moes die Gr 8 2022 tema vir die jaar insluit.  Van Saadjie na boom! Elke huis het hul uitstekend van hul taak gekwyt en ‘n konsert van hoogstaande gehalte op die planke gebring.  Die uitslae was as volg:

• Beste Dirigente – Dorpshuis
• Beste Hulpdirigente – Nelstehuis
• Beste Huisdans – Nelstehuis
• Beste Tema-uitbeelding – Nelstehuis
• Beste Advertensie – Huis Veltman
• Beste Kostuums – Nelstehuis
• Beste Dekor – Huis Veltman
• Beste Groentjiesdans – Nelstehuis
• Beste Humor in Storie – Huis Veltman
• Beste Nuusberig – Nelstehuis
• Beste Storieverteller – Joshua du Toit (Huis Veltman)
• Beste Akteur – Ruan Ludwig (Huis Veltman)
• Beste Aktrise – An-Euné van Niekerk (Nelstehuis)
• Beste gebruik van Verrassings-element – Huis Veltman
• Meriete Toekenning – Clarissa Nel & Elané Nel (Dorpshuis)
• Beste Konsert – Huis Veltman
• Algehele Wenners – Huis Veltman

Baie geluk aan elke leerder wat ‘n deel gehad het aan sy/haar huis se Groentjieskonsert.  Die Erries het hierdie jaar weereens getoon dat alles wat hul doen, eenvoudig wêreldklas is.

Abigail Randell

Carli Kleynhans

Dirigente

Dorpshuis Dirigente

Francois Homan

Gideon Muteb Mbak

Huis Veltman Dirigente

Joshua du Toit

Luché Greyling

Nelstehuis Dirigente

Tanya Pretorius

Walter van der Walt, Diederik van der Walt, Aloné Arnoldi