Hoërskool Witteberg Pronk met 100% Matriekslaagsyfer en Talryke Prestasies. Die klas van 2023 by Hoërskool Witteberg het hul stempel afgedruk met ʼn indrukwekkende vertoning in die nasionale matriekeksamen. Die skool is trots om aan te kondig dat al 124 matrieks suksesvol die Nasionale Senior Sertifikaateksamen geslaag het, weer met ʼn 100% slaagsyfer. Die Departement van Onderwys het hierdie prestasie erken deur Hoërskool Witteberg te vereer met ʼn toekenning vir uitnemendheid.

Van die 124 matrieks het kwalifiseer 110 vir universiteitstoelating, wat ʼn indrukwekkende 88.70% uitmaak. Hierdie prestasie getuig van die hoë standaard van Hoërskool Witteberg se onderrig en voorbereiding van leerders vir verdere studies. ‘n Totaal van 99.19% van die klas het toelating tot graad- en diplomastudies. Die matrieks het ‘n indrukwekkende totaal van 193 onderskeidings behaal, wat die skool se strewe na akademiese uitnemendheid bevestig. Hoërskool Witteberg het twee leerders, Hanno van der Merwe en Panashe Gomo, onder die “Top 50” in die Vrystaat. Gomo is ook as een van die “Top 10” beste Fisiese Wetenskappe leerders in die provinsie aangewys. Die erkenning van individuele prestasies is nie beperk nie, aangesien ses leerders trots kan wees met sewe onderskeidings, vyf leerders spog met ses onderskeidings, ses leerders met vyf onderskeidings, vyf leerders met vier onderskeidings en ses leerders met drie onderskeidings. Hanno van der Merwe, Hoofseun van 2023, verdien spesiale erkenning vir sy uitstaande prestasies met ‘n indrukwekkende gemiddeld van 90.57%.

12A Hanno Van Der Merwe 1141

12C Panashe Gomo

Na ’n verandering van die Departement van Onderwys se kriteria, bevind verskeie skole in die streek hulself sonder die vertroude roem van Top Wiskunde en Fisiese Wetenskappe toekennings. Ten spyte van dié verandering is Hoërskool Witteberg steeds een van die skole wat met ʼn 100%-slaagsyfer in beide kan spog. Die Wiskunde-afdeling het ’n besondere prestasie gelewer met 16 onderskeidings en ’n vakgemiddeld van 69.05%. Fisiese Wetenskappe het ook nie agtergebly, met 14 onderskeidings en ’n gemiddeld van 70.27% nie. Dit bevestig die deeglike voorbereiding en toewyding van die leerders en opvoeders. Hoërskool Witteberg se voortgesette strewe na uitnemendheid in hierdie sleutelvakke demonstreer die skool se vasberadenheid om leerders toegerus te laat vertrek vir uitdagende studierigtings en beroepe in die wetenskaplike veld. Die skool se indrukwekkende vertoning in die 2023 matriekuitslae bevestig dat Hoërskool Witteberg nie net ‘n “skool” is nie, maar ‘n instelling wat leiers in akademie, sowel as die samelewing vorm.

7 Onderskeidings 

• Ané Beneke
• Quinriane Charilaou
• Marine du Plooy
• Ziané Lottering
• Rila Schutte

6 Onderskeidings 

• Luca Fourie
• Marina Fourie
• Hope Mabe
• Amanda Casal

5 Onderskeidings 

• Elzé Stander
• Dries Stemmet
• Anri van Deventer
• Mia Maritz
• Eileen Matthee
• Elry Floris