AWSUM gesels met, Mia Louw eerstespan hokkiekaptein van Hoërskool Duineveld oor hulle seisoen en die kragmeting wat voorlê.

Hoe is die samestelling van die span vir Interjol? Is daar enige beserings? Die samestelling van ons span behels ‘n
groep meisies met baie talent, potensiaal en ondervinding. Elke meisie in die span het hulle plek deur hulle harde werk en hulle
deursettingsvermoë verdien. Ons span se samestelling is ‘n groot deel van ons span se sukses, omdat elke meisie iets uniek na die span bring. Juf. Anza is die middelpunt van ons span en het saam ons span hierdie jaar gegroei. Ons het gelukkig geen ernstige beserings nie, net ‘n paar blou kolle hier en daar.

Is julle gelukkig met julle resultate die jaar? Ja, elke wedstryd wat ons die jaar aangepak het, het ons net ons beste gegee. Ek is trots op elke meisie in die span wat heel jaar lank net hul beste gegee het om tot die span se sukses by te dra. Al het ons die jaar moeilike teenstanders teëgekom, het dit ons ver seker nie terug gehou nie. Dit het ons net harder laat werk.

Wat verwag jy Saterdag van Uppies? Ek verwag dat ons opponent dit nie maklik vir ons nie gaan maak nie, maar ons is reg om die stryd aan te pak. Dit is die oomblik waarvoor ons gewerk het en ons gaan ons alles op die veld gee. Ek het volle vertroue in my span se potensiaal.

Wat beteken dit vir jou om kaptein van Hoërskool Duineveld te wees? Dit is vir my ‘n groot voorreg om die kaptein van die Gemsbokkies te wees. Daar is nie ‘n ander groep meisies saam met wie ek die jaar sou wou aanpak nie. Lizelle Human, ons onderkaptein van die Gemsbokkies, was my regterhand en my grootste ondersteuner die jaar. My wens
as kaptein is om die volgende generasie Gemsbokkies te inspireer om te lei met respek, selfvertroue en geduld.

Lees die spesiale koerantuitgawe vir die toernooi hier.