AWSUM gesels met, eerstespan rugbykaptein van Welkom Gim oor hulle seisoen en die kragmeting wat voorlê, ons gesels ook met die afrigter. Lees die spesiale koerantuitgawe vir die toernooi hier.

Renaldo Kiewiet

Eerstespan rugby kaptein: Renaldo Kiewiet Wat is die hoogtepunt van jou rugbyloopbaan tot dusver? My hoogtepunt is defnitief Cravenweek.

Hoe motiveer jy jou span? Ek herinner hulle om altyd in `n span en vir mekaar te speel en dissipline op die veld, en van veld af te handhaaf.

Wie is julle onderkaptein en hoe staan hy jou by? Dante Smith, hy is ‘n baie goeie onderkaptein, hy motiveer die span ook altyd voor ‘n wedstryd.

Waarna sien julle as `n span die meeste hierdie jaar uit? Ons mikpunt is om die liga te wen en dan sal die Kovsie-liga ook ‘n bonus wees.

Wie is jou gunsteling Springbok rugbyspeler en hoekom? Manie Libbok, want hy is ‘n baie goeie rugbyspeler wat uit `n klein dorpie in die Oos-Kaap kom. Hy is een van die beste losskakels in die land.

 Wat is jou planne vir die toekoms? Om aan die Varsity-Beker deel te neem sodat een van die groot rugby-unies my sal raaksien en dalk eendag Curriebeker kan speel.

Eerstespan rugby afrigter en span: Ruean Bezuidenhout

 Wat kan die skool en ouers hierdie jaar te wagte wees van julle span? Ons span sal probeer om effektiewe rugby te speel – dit gaan dalk ‘n bietjie vervelig aan die begin wees, maar ons sal begin hardloop soos die tyd en geelentheid homself voordoen.

Hoe is die samestelling van die span vir die naweek? Enige beserings? Ons behoort op volle sterkte vir die derby te wees, maar beskik oor genoeg diepte indien iemand skielik nie beskikbaar is nie.

Waar sou jy sê lê julle krag hierdie jaar? Ons glo dat ons span redelik gebalanseerd is en dat ons in alle fasette ons man kan staan, maar ons agterlyn bly gevaarlik en hul vermoë om af te rond, is goed.

In jou opinie, wat is die eienskappe van `n goeie rugbyspeler? ‘n Goeie rugbyspeler is iemand wat die belange van sy span as prioriteit sien en sy eie doelwitte en drome tweede stel en deur samewerking, eenheid laat verwesenlik.

Wat is jou filosofie as `n afrigter? Om spelers voor te berei om ‘n verskil in die samelewing te maak, goeie mans en pa’s vir hul vroue en kinders te wees en hulle te laat besef elkeen is spesiaal.

Is daar enige afrigters waarna jy opkyk? My groot vriend Jacques Juries –  Griffons se afrigter en Heyneke Meyer.