Op die AWSUM rusbank met Hoërskool Garsfontein se hoofdogter: Zanie Jansen van Vuuren

Baie geluk met jou verkiesing as hoofleier by jou skool. Waarna sien jy die meeste uit tydens jou tydperk as leier by jou skool? Ek kan nie wag om ‘n meer positiewe gesindheid in die skool te bevorder deur meer tradisionele projekte te reël waaruit die kinders baie genot put (met die hoop dat Covid 19 nie weer ons inisiatief sal demp nie) en ook om leierskap in ons skool na ‘n volgende vlak te neem.

Wat sou jy sê is jou sterk- en swakpunte?

Sterkpunte: 

• Optimisties
• Hardwerkend
• Lojaal
• Vriendelik

Swakpunte:

• Geneig om minder belangrike dinge uit te stel
• Soms bietjie ongeduldig

Is daar enige iets wat jy graag sou verander by jou skool? Ja, ek sal graag weer  ‘n trotse Garsie- gees wil vestig. Leerders moet nie verplig word om sport- en kultuurgeleenthede by te woon en te ondersteun nie, hulle moet dit vrywillig en met trots doen.

Wat geniet jy die meeste van jou skool? Ek geniet die verskeidenheid geleenthede wat die skool vir jou bied om jou plekkie te vind. Ek geniet die medemenslikheid, omgee-gesindheid en goeie sportmanskap tussen Garsies.

Matriek is jou laaste jaar- van ‘n akademiese oogpunt, wat sal jy graag wil bereik? Ek sal graag ‘n goeie gemiddeld wil behaal met soveel as moontlik onderskeidings sodat ek keuring by Tuks kan kry. (Ek is nog nie doodseker oor wat ek wil swot nie.)

Enige boodskap van aanmoediging vir jou mede-leiers? Ek deel graag met hulle wat die uittredende hoofdogter met my gedeel het: “Everything you want, is on the other side of fear.”

Gryp elke ontwikkelingsgeleentheid en projek met albei hande aan en geniet elke oomblik, want voor jy jou oë uitvee, is óns die uittredende Garsieraad.

Wie is jou rolmodel? Nick Vujicic. Ten spyte van sy omstandighede (die feit dat hy gebore is sonder enige ledemate), leef hy steeds die gesegde- “carpe diem”- uit. Dit beteken om elke dag aan te gryp en die meeste daarvan te maak! Ek probeer om ook so ‘n uitkyk oor die lewe te hê.

Wat is jou planne vir na skool? Ek wil by Tuks studeer. Ek besluit nog watter rigting ek wil swot.

As jy ‘n super-hero kon wees, wie sou dit wees en waarom? The Flash. Ek sal dan so gou as moontlik, soveel as moontlik take kan voltooi en dan effektief en vinnig al my pligte nakom.

Op ‘n normale Saterdag, sal ons jou kry by… saam met… by my huis, saam met familie, vriende en my honde.

Wie is jou hollywood ‘celeb crush’? Dylan O’Brien.

Kies een:

• Netbal, rugby, krieket of hokkie? Netbal
• Cappuccino, warm sjokolade of tee? Cappuccino
• Braai saam met vriende of ‘n wegneemete? Braai saam met vriende
• Vir ure lank jou gunsteling TV-reeks kyk of ‘n musiekfees bywoon? ‘n Musiekfees bywoon
• Android of iOS? iOS