Hoërskool Durbanville het 2 gholfspanne ingeskryf om op Sondag 15 Mei aan die WP Streek Kwalifiserende rondte by Bellville Gholfklub deel te neem.

Skole van reg oor die WP, insluitend die Noordelike- en Suidelikevoorstede het deelgeneem.

Durbanville se A-span, bestaande uit Heinrich Haasbroek, Liam Adonis, Henru Walters en Henry Rudder wen die kompetisie met 6 houe teenoor die naaste span, TGSE en 11 houe voor Bishops.

Liam Adonis eindig die dag in die eerste plek op ‘n telling van -2 (2 onder baansyfer) en Heinrich Haasbroek eindig gesamentlik in die derde posisie op +2 (2 oor baansyfer).

Hiermee kwalifiseer Hoërskool Durbanville vir die SA Kampioenskap, wat 1-2 Augustus by Humewood Gholfklub in PE sal plaasvind.

Baie geluk Durbies met hierdie puik prestasie, ons is trots op julle.

#TrotsDurbanville

Gholf WP Wenners. V.l.n.r. Henry Rudder, Liam Adonis, Henru Walters, Heinrich Haasbroek.