AWSUM gesels met, eerstespan dogtershokkiekaptein van Goudveld oor hulle seisoen en die kragmeting wat voorlê, ons gesels ook met die afrigter. Lees die spesiale koerantuitgawe vir die toernooi hier.

Eerstespan dogtershokkiekaptein : Kay-Lee Hall Wat is die hoogtepunt van julle span se seisoen sover? Die Pietermaritzburg – toer waar ons teen baie sterk skole gespeel het en nog steeds vreeslik goed presteer het. Daardie toer het ons span as ‘n familie gevorm en sterk vriendskappe is gebou.

Hoe motiveer jy jou span? Ek hou hulle altyd positief op die veld. As hulle hartseer lyk probeer ek altyd ‘n glimlag op hul gesigte kry, sodat hulle hul wit tande sal wys.

Wie is julle onderkapteine en hoe staan hulle jou by? Machel Luddick en Megan Wepener. Hulle help my om beheer op die veld te hou en help my om positief te bly. Hulle help my ook om oplossings vir probleme te kry en besluite te neem.

Wat wil julle as ‘n span die jaar bereik. Wat sal jou trots maak? Laasjaar het ons amper teen die land se nommer 1 skole hokkiespan gespeel, Oranje Meisies. Dit sal my trots maak as ons weer daardie geleentheid sal kry na al die harde werk wat ons elke dag in gesit het.

Wat is jou planne vir die toekoms? Volgende jaar gaan ek onderwys studeer. Terwyl ek besig gaan wees met die studies wil ek graag betrokke wees by ‘n skool se hokkie en met die spanne kan deel wat ek geleer het.

Eerstespan dogtershokkie afrigter: Roxy Siebert

Roxy Siebert

Wat kan die skool en ouers die naweek te wagte wees van julle span? Ons sien baie uit na die Derby op ons tuisveld hierdie jaar. Na `n jaar waar ons seisoen reeds baie vroeg afgeskop het, is ons slaggereed vir die kragmeting teen Welkom Gimnasium.

Ons span sit definitief met die ervaring aan ons kant – sewe van ons seniorspelers in die span is al vier jaar deel van die eerstespan se suksesverhaal. Die skool het vir ons baie geleenthede gebied, en te danke daaraan het ons reeds aan drie groot toernooie deelgeneem en is ons wedstryd-gereed.

Ons speel ook tans in twee ligas, waarvan ons baie sterk kompetisie in die Wesgrow Liga het. Tot dusver is ons onoorwonne in die Lejweleputswa liga en ons werk hard om dit so te hou. Ouers en gemeenskap kan uitsien na `n baie opwindende wedstryd vol goeie vaardighede en uitstekende sportmangees.

Waar sou jy sê lê julle krag hierdie jaar?

Ons krag lê definitief in die eenheid van ons span,   ons het dieselfde waardes en dieselfde doel voor oë. Die basis van hierdie eenheid word gegrond op ons Christenskap en die pad wat ons elkeen elke dag met die Here stap. Ons is die jaar “gebless” met die beskerming van Here en ons streef daarna om ook `n “blessing” vir spanne te wees teen wie ons kompeteer.