Op die AWSUM rusbank met Hoërskool Hermanus se hoofseun: Landré Botma

Waarna sien jy die meeste uit tydens jou tydperk as leier by jou skool? Na die afgelope twee jaar hoop ek om weer ‘n normale skooljaar in 2022 te hê. Ek hoop dat die graad 8’s van 2022 ‘n jaar kan beleef van “Hermie Magic”, ‘n jaar van sport- en kultuur-geleenthede en om die skool se naam hoog te hou.

Wat sou jy sê is jou sterk- en swakpunte? Ek neem verantwoordelikheid vir my dade. Ek hou my woord en behandel almal met respek. Ek is soms te ongeduldig, want ek wil hê dinge moet dadelik gebeur, maar sommige dinge het ongelukkig tyd nodig.

Is daar enige iets wat jy graag sou verander by jou skool? Ek sal nie iets verander nie maar ek sal wil hê dat die “gees” en deelname in ons skool na normaal terugkeer, want dit is wat skool lekker en die moeite werd maak.

Wat geniet jy die meeste van jou skool? Ek geniet die sportdae en veral die interskole. Niks kom by die warm trots wat in jou borrel as jy interskole wen saam met die hele Hermie-familie nie!

Matriek is jou laaste jaar- van ‘n akademiese oogpunt, wat sal jy graag wil bereik? Ek sal graag vir my matriek eksamen ‘n A-gemiddeld wil behaal.

Enige boodskap aan graad 7 leerders wat `n Hoërskool moet kies? Aan die graad 7’s: julle antwoord is eenvoudig. “Hoërskool Hermanus”. Hier sal jy deel vorm van ons groot familie wat omgee vir mekaar. Hier word top sportspelers, atlete en akademikuste gevorm met die ondersteuning van n fantastiese bestuurspan en groep onderwysers.

Enige boodskap van aanmoediging vir jou mede-leiers? “Lead by example”. Onthou dat ons as ‘n span tot alles in staat is. En vir my mede matrieks: ”Volg jou hart”.

Wie is jou rolmodel? Meneer Hassenkamp, ons voormalige skoolhoof. Hy het elke leerder op sy naam geken en het elke leerder tuis laat voel in die skool. Hy het elke leerder van die Hoërskool Hermanus op sy hart gadra.

Wat is jou planne vir na skool? Ek wil graag ingenieurswese gaan studeer na skool.

As jy ‘n super-hero kon wees, wie sou dit wees en waarom? Ek sou graag Captain America wil wees, omdat hy streef na goedheid en regverdigheid. Ek sal graag n positiewe verskil en bydrae in die mense rondom my se lewens wil maak.

Op ‘n normale Saterdag, sal ons jou kry by… saam met… Julle sal my kry langs die see met ‘n visstok in die hand.

Wie is jou Hollywood ‘celeb crush’? Megan Fox.

Kies een:

• Netbal, rugby, krieket of hokkie? Rugby
• Cappuccino, warm sjokolade of tee? Cappuccino
• Braai saam met vriende of ‘n wegneemete? Braai saam met vriende
• Vir ure lank jou gunsteling TV-reeks kyk of ‘n musiekfees bywoon? Musiekfees bywoon
• Android of iOS? iOS