Hoërskool Waterkloof se provinsiale rolbalspelers presteer goed by die SA’s
ADVERTISEMENT
Hoërskool Waterkloof se provinsiale rolbalspelers presteer goed tydens die Suid-Afrikaanse Kampioenskappe. Baie geluk aan al ons rolbalspelers wat Gauteng-Noord tydens die vakansie by die Suid-Afrikaanse jeugrolbalkampioenskappe verteenwoordig het. Uit die 16 spelers wat die eer gehad het om die provinsie in Bloemfontein te verteenwoordig, kom daar nie minder nie as 6 van hulle uit die Waterkloof-oefengroep wat by Wingate oefen en is 4 daarvan Klofies.
Die BGN o.18-A-span het baie goed gevaar en het in die derde plek geëindig. Zander Hamilton (Klofies se rolbalkaptein) was deel van hierdie span. Die BGN o.15-A-span moes ook tevrede wees met die derde plek nadat hulle die goue medalje uitspele met een punt gemis het. Albert van der Nest en Wian van Niekerk was deel van die span en kan met trots hulle koppe omhoog hou met die prestasie!
Die ander spelers van die Klofie-oefengroep wat in Bloemfontein in aksie was is: Danielle Classen (rolbalkaptein), Christiaan Preddy
Carlise Henning. Baie geluk, julle!
