Laerskool Randhart spog met briljante rugby.

Die rugbyseisoen vir Laerskool Randhart het op ‘n hoë noot afgesluit met twee van Randhart se spanne wat die Goue Leeus-finale van die superliga gewen het.

Baie geluk aan die o. 9 A-span wat tydens die finaal Laerskool Kenmare gewen het met ‘n puik telling van 27 – 5.  Ons is voorwaar trots op hierdie span en hulle afrigters.

Die eerste span van Randhart was behoorlik aan die brand en het fenomenale rugby gespeel om ook vir Kenmare 31 – 5 in die finaal te klop.  Dit was ‘n uitstekende seisoen vir ons eerste span wat baie groot prestasies behaal het.  Hulle was onoorwonne by die klipharde Noord-Suid-toernooi en het ‘n vierde plek op die Wildeklawertoernooi verower wat in Kimberley plaasgevind het.

Baie geluk aan elke seun en afrigter met hierdie uitmuntende prestasies.