Hoërskool Framesby se Raad vir Uitvoerende Kunste het hierdie jaar twee komedies op die planke gesit: Die VVVVVV en Die Roadtrip. Beide is baie goed ontvang deur die gehore by ons twee toneelaande, waarna Die VVVVVV aan die Montagu Youth Arts Festival gaan deelneem het. Daar het hul ‘n hoë silwer vir die produksie ontvang, asook silwer vir die meeste van die rolspelers. John-Louis Vosloo as KKK en Adriaan Ehlers as BBB het met goue toekennings uitgestaan. Die stel het ‘n goue toekenning ontvang en die seuns was ook onder die nominasies vir beste ensemble-spel. Beter nog as die toekennings was lede van die gehoor wat hul die volgende dag in die dorp voorgekeer het om te sê hoeveel hulle die vertoning geniet het. Baie geluk aan mevv.

Chrismarie Potgieter en Mariska Basson. Die Roadtrip het aan die Gqeberha ATKV-tienertoneelstreeksfees by die Little Theatre deelgeneem en ‘n Brons-sertifikaat vir die produksie, silwer vir die verhoogbestuurders (Elne Burger en Francois Smit) asook vir die klankoperateur (Yeliza Botha) ontvang. Refilwe Mabalane het goud ontvang as beligtingsoperateur en ook ‘n nominasie in die kategorie: beste beligtingsoperateur. Baie geluk aan mev. Marika Strydom en me. Ielene Adendorf wat hier die leiding geneem het.