Lees die spesiale uitgawe vir die Classic Clash tussen Hoërskool Durbanville en Hoërskool Stellenberg hier. Dis propvol spanfotos, onderhoude en al die aksie.

AWSUM het die geleentheid gehad om met Kiara Kömmer, Dogtershokkie Eerstespankaptein van Hoërskool Durbanville te praat oor hul voorbereiding, sterkpunte en vooruitsigte vir die seisoen..

 Wat is julle span se sterkpunte hierdie jaar? Een van ons span se sterkpunte is ons vertroue in mekaar. Ons verstaan dat dit nie gaan oor die individuele in die span nie , maar eerder as n hoe ons speel as n  eenheid. Elke speler bring iets uniek aan die spel en ons werk saam as n span om dit teen voordeel te gebruik.

Wat beteken dit vir jou om die skool se eerste hokkiespan te lei? Om die skool se eerste hokkiespan te lei, is vir my ’n ongelooflike eer en voorreg. Ek sien dit as ’n geleentheid om my span te inspireer, om vertroue in elke speler te bou, en om saam ’n kultuur van eenheid en trots te skep. Dit gaan nie net oor wen nie, maar oor hoe ons groei, saam leer en ons skool se naam met eer te dra.

Het jul skool `n groot hokkiekultuur en hoe belangrik is sukses vir julle span om dit te volhou? Ons skool het beslis ’n sterk en groeiende hokkiekultuur. Dit is iets waarop ons trots is, en wat elke jaar sterker word danksy toegewyde spelers, afrigters en ondersteuners.Ons hokkie het gegroei tot waar dit is vandag ten danke van die harde werk, bloed , sweet en trane van die wat die kit voor ons gedra het.

Wat wil julle as `n span in 2025 bereik? In 2025 wil ons as span groei ,nie net in hoe ons speel nie, maar in wie ons is. Ons wil mekaar sterker maak, selfvertroue bou, en elke wedstryd aanpak met   geloof , in onsself, in mekaar, en in die groter plan wat vir ons gelê is.  Alles wat ons doen, doen ons tot eer van Hom.

Watter wedstryd en/of toernooi is vir jul die spesiaalste en hoekom? Defnitief interskole. Die gees, passie en hart wat saam met interskole gepaard kom is iets onbeskryflik. Om te kan sien hoe die span bymekaar kom tydens die wedstryd is so spesiaal.

Is daar ‘n hokkiespeler of sportfiguur na wie jy opkyk, en hoe het hulle loopbaan jou benadering tot die spel beïnvloed? Die sportfiguur na wie ek die meeste opkyk, is my suster, Lisa Kömmer. In 2022 was sy die kaptein van ons eerste hokkiespan, en ek was ongelooflik geëerd om daardie jaar deel van die span te wees toe ons die liga gewen het. Haar passie vir die sport was aansteeklik; sy het elke keer gespeel asof dit haar laaste wedstryd was. Sy het nooit net vir haarself gespeel nie , sy het vir die span, vir die skool, en vir die liefde van die sport  gespeel. Lisa het my gewys dat ware leierskap begin by diensbaarheid, en haar toewyding het my eie benadering tot hokkie en spanwerk vir altyd verander.

Kiara Kömmer

Ons het ook met die afrigter van dié span, (AK Tonga) gesels:

Wat kan die skool en ouers hierdie Interskole van julle span verwag? Passie vir die skool. Goeie spel en dat hulle nie die skool en gemeenskap gaan teleurstel nie.

Hoe berei julle span in die week tot aanloop van Interskole voor? (physically and mentally) Ons analiseer die opponent en hulle gaan hul liggame druk.

Waar sou jy sê lê julle krag hierdie jaar? Ons krag lê in ons verdediging en spoed.

Wie het die grootste invloed op jou as afrigter in jou lewe al gehad? Is daar iemand na wie jy opkyk? Ek kyk op na my vrou wat altyd daar is vir my en my dra deur als. My tweede persoon na wie ek opkyk is my ma wat ongelukkig nie meer met ons i vandag nie. Sy het ’n groot impak in my lewe gemaak

Watter boodskap dra jy aan jou span oor net voor hulle op die baan/veld hardloop? Make it count it is personal.