Op Vrydag, 1 November 2024 het ons Graad 1-, 2- en 3-leerders ‘n heerlike, informele tennistoernooi saam met Laerskool Hermanus en Laerskool Kleinmond gespeel. Spelers het die geleentheid gekry om self hul tellings te hou met gebruik van wasgoedpennetjies en potte is aangedui met behulp van bakens (“cones”).
Dit was veral vir ons lekker om soveel ouerbetrokkenheid te hê, waar nuwe vriendskapsbande binne die skool asook buurskole gesmee is. Laerskool Gansbaai maak sommer gou weer so!