Manie Jackson, kaptein van HTS JOHN VORSTER se bergfietsspan, het op 11 Mei ‘n geleentheid by Cycle Lab Lynnwood, bygewoon. Tydens hierdie geleentheid is die kapteins van alle Gautengskole aangekondig en sterkte toegewens vir die seisoen wat voorlê. Me. Geyser (spanorganiseerder), Lionel Scholtz en Gawie Victor (afrigters) het ook hierdie spoggeleentheid bygewoon. HTS John Vorster is tydens hierdie geleentheid uitgesonder as een van die “met-die-hand-uitgesoekte” gasheerskole om op 12 Augustus een van die Gauteng-ligawedrenne aan te bied. Ons is baie trots op ons skool en ons bergfietsspan!