Hoërskool Volksrust leerders ontvang praktiese ervaring in Landboubestuur in Doseer en Dip van Skape. Leerlinge het ‘n insiggewende besoek aan mnr. Marius Smit se plaas gebring as deel van hul Landboubestuurpraktyk. Tydens die besoek het hulle praktiese vaardighede aangeleer oor die doeltreffende doseer en dip van skape – ‘n belangrike stap in die voorkoming van siektes en die algemene gesondheid van die kudde.

Deur middel van die doseerproses is die skape behandel teen interne parasiete en verskeie siektes, wat ‘n noodsaaklike rol speel in voorkomende sorg. Dit help om die risiko van uitbrekings te verminder en verseker dat die diere optimaal groei en presteer. Ná die dosering is die skape ook gedip om hulle teen eksterne parasiete, soos bosluise en vlooie, te beskerm. Hierdie maatreëls dra nie net by tot die gesondheid van die individuele diere nie, maar bevorder ook ‘n sterk en produktiewe kudde. Die besoek was ‘n waardevolle ervaring wat die belangrikheid van gesonde landboupraktyke beklemtoon het. Deur hierdie praktiese leerproses het die leerlinge nie net teoretiese kennis toegepas nie, maar ook eerstehands beleef hoe effektiewe boerderytegnieke ‘n verskil maak in volhoubare skaapboerdery.