Die jaarlikse AJ Sportweek is in die Maart skoolvakansie deur Hoërskool Punt aangebied. Skole van heinde en verre het kom deelneem aan hierdie spoggeleentheid.

Hoërskool Punt se eerste netbalspan speel in totaal 12 wedstryde gedurende die jaarlikse AJ sportweek. Hulle wen en totaal 9 van hul wedstryde en verloor slegs 3. Op die finale dag speel hulle vir vierde en vyfde plek uit teen Hoërskool Dirkie Uys en wen 19 – 16 en vierde uit 20 skole te einding.

Die hokkie manne het die toernooi met baie ywer aangepak. Hulle wen al vyf van hulle wedstryde. Die seuns teken 28 doele aan en daar word slegs 2 doele teen hulle aangeteken. Teen finale tyd in die semi-finaal was die tellings steeds gelyk. Die seuns wen die “penalty shoot-out” en beweeg aan na die finaal, waar hulle gedurende nog ‘n uitskietrondte teen Curro Langebaan verloor en eindig tweede in die toernooi.

Die o.19 A hokkie dogters het ook nie teleurgestel nie. Deur al 11 hul wedstryde te wen, eindig hierdie dogters as wenners van die toernooi. Daar is 30 doele deur hierdie onoorwonne span aangeteken en slegs 2 doele teen hulle aangeteken. Hierdie span spog ook met Anika Otto – die dogterspeler van die toernooi, asook die dogter wat die meeste doele gedurende die toernooi aangeteken het.

Hoërskool Punt se o.19 B hokkie dogters het ook aan die AJ sportweek deelgeneem. As die enigste B-span wat aan die toernooi deelgeneem het, het hulle hulself goed van hul taak gekwyt. Aan die einde van dag 1 lê die dogters derde en aan die einde van dag 2 lê hulle vierde. Hierdie span eindig die toernooi in die agtste posisie.

Altesaam drie rugbyspanne van Hoërskool Punt het deelgeneem. Die eerste rugbyspan wen twee uit hul drie wedstryde, met ‘n uitstekende telling van 50 – 7 teen HTS Middelburg op die laaste dag. Die o.19 B-span het aan drie wedstryde deelgeneem en het die toernooi onoorwonne afgesluit met baie goeie tellings. Die o.16 A-span het ook deelgeneem. Hulle het gemengde uitslae behaal met een wen, een verloor en een gelyk telling.

Na hierdie toernooi se goeie uitslae heers daar groot opwinding oor die komende sportseisoen vir die Visse.

1ste Hokkie Meisies

1ste Hokkie Seuns

1ste Netbal

1ste Rugby

2de Hokkie Meisies

o.16 Rugby

o.19B Rugby