Op 24 Maart het die o.14-seunshokkiespan en tweede dogtershokkiespan ’n hokkiekliniek op EHS se astro bygewoon. Die kliniek is deur Sulette Damons, oud-Proteakaptein, en Shindre-lee Simmons, huidige Proteaspeler, aangebied.

Vrydagaand is daar op verskeie vaardigheids-ontwikkelings-tegnieke gefokus. Die spanne het ook verskeie spanbou-aktiwiteite saam geniet. Saterdagoggend is aandag gegee aan ontwykings-, verdedigings- en ‘arial’-vaardighede.

Baie dankie aan juf Mardi Fouché vir al die vooraf reëlings en vir mnr Ruben Fouché vir sy tyd en entoesiasme met die jong span!

Die o.16-seunspan het vanaf 3 tot 6 April aan die Senior Nedstarkliniek in Pretoria deelgeneem.

Aan die einde van die kliniek is ’n All-star span gekies wat bestaan uit spelers wat tydens die kliniek uitgeblink het.  Die span het teen die Nedstar-afrigters gespeel.  Baie geluk aan Nicholas Steyn en Thapelo Mokoene wat vir hierdie span gekies is.

Ten spyte van verskeie uitdagings het die seuns die toer ongelooflik geniet, uitstekende opleiding ontvang en as hokkiespelers ontwikkel.

Baie dankie aan me Tirsa du Toit en mnr Ruben Fouché wat saam met die seuns getoer het.

Die eerstespan seunshokkie het deelgeneem aan die Fairweather Hokkiefees te Hilton vanaf 3 tot 6 April.

Hierdie hokkiefees het ten doel om soveel moontlik wedstryde vir die spanne te bied.

Baie dankie aan me Charmoné Prinsloo wat as afrigter saam met die seuns getoer het.

Die Erries is bevoorreg om geleenthede soos dié te kan hê om te ontwikkel. Dankie aan ons Hemelse Vader vir die veiligheid en beskerming tydens die onderskeie toere.

Die eerstespan seunshokkie tydens die toer

Die o.16-seunshokkiespan tydens die toer